आ. आशुतोष काळेंच्या पाठपुराव्याने कोपरगावला आणखी तीन नवीन बस
Kopargaon vijay kapse दि १४ नोव्हेंबर २०२६:- कोपरगाव बस आगारातील बसची संख्या वाढवून प्रवाशांची गैरसोय दूर करण्यासाठी आमदार आशुतोष काळे यांनी राज्याचे परिवहन मंत्री प्रतापजी सरनाईक यांच्याकडे केलेल्या सातत्यपूर्ण पाठपुराव्याला यश आले आहे. त्यांच्या पाठपुराव्यातून यापूर्वी कोपरगाव आगाराला १० लालपरी आणि १२ जिजाऊ अशा एकूण २२ नवीन बस मिळाल्या असून, आता त्यात आणखी तीन जिजाऊ बसची भर पडली असून शनिवार (दि.२१) रोजी सायंकाळ पर्यंत दोन बस दाखल होणार असून उर्वरित एक बस पुढील आठवड्यात मिळणार आहे. त्यामुळे कोपरगाव आगाराच्या बस ताफ्याची क्षमता वाढणार असून प्रवाशांना दिलासा मिळणार आहे.
कोपरगाव आगारातील बसची अपुरी संख्या लक्षात घेऊन आमदार आशुतोष काळे यांनी नवीन बस उपलब्ध करून देण्यासाठी परिवहन मंत्र्यांकडे वेळोवेळी पाठपुरावा केला. त्यातून आतापर्यंत २२ नवीन बस मिळाल्या असून, आता आणखी दोन बस उपलब्ध झाल्याने आगाराच्या ताफ्यात एकूण २४ नवीन बसचा समावेश झाला असून पुढील आठवड्यात अजून एक बस आल्यानंतर बसची संख्या २५ वर पोहोचणार आहे. प्रवाशांना नियमित, सुरक्षित आणि अधिक सोयीस्कर बससेवा मिळावी, यासाठी आगाराला आणखी बस उपलब्ध करून देण्याबाबतही त्यांचा अविरतपणे पाठपुरावा सुरू आहे.नवीन बसमुळे महिला प्रवासी, विद्यार्थी, ज्येष्ठ नागरिक आणि ग्रामीण भागातील प्रवाशांची होणारी गैरसोय कमी होऊन सार्वजनिक वाहतूक व्यवस्था अधिक सक्षम होण्यास मदत होणार आहे.त्याबद्दल आमदार आशुतोष काळे यांनी राज्याचे मुख्यमंत्री देवेंद्र फडणवीस, उपमुख्यमंत्री सुनेत्रा पवार, उपमुख्यमंत्री एकनाथ शिंदे, राज्याचे परिवहन मंत्री प्रताप सरनाईक यांचे आभार मानले आहे.
