रेनबो इंटरनॅशनल स्कूलचा १०वी CBSE बोर्ड परीक्षा २०२४ मध्ये उत्कृष्ट निकाल
रेनबो इंटरनॅशनल स्कूलचा १०वी CBSE बोर्ड परीक्षा २०२४ मध्ये उत्कृष्ट निकाल
भक्ति अमर कवडेने रचला विक्रम ९७.२% टक्क्यांसह गणितात १०० पैकी १०० गुण
कोपरगाव विजय कापसे दि १४ मे २०२४– शिक्षणमहर्षी स्व. लहानुभाऊ नागरे स्थापित रेनबो इंटरनॅशनल स्कूलच्या विद्यार्थ्यांनी CBSE १० वी बोर्ड परीक्षा २०२३-२४ मध्ये अत्यंत उत्कृष्ट निकाल मिळवला आहे. एकूण ३२ विद्यार्थ्यांच्या बॅचमध्ये परिणामे १००% निकाल प्राप्त झाला आहे. प्रथम क्रमांक भक्ति अमर कवडे ९७.२% गुणांसह, गणित विषयात १०० पैकी १०० व इंग्रजी विषयात ९८ व सामाजिक अभ्यासात १०० गुण प्राप्त केले आहे.
त्यासोबतच अभिनय धीरज बाजाज (९४.४%), दिव्या पुष्पेंद्र शर्मा (९३.८%), हर्षदा सचिन शिंदे (९२%), साक्षी अनंत वाणी (९०.८%) आणि समिधा दिपक औताडे (९०.४%) यांच्यासह इतर विद्यार्थ्यांना मेरिट, डिस्टिंक्शन व फर्स्ट क्लास गुण प्राप्त झाले.
मागील वर्षी देखील ५३ पैकी २१ विद्यार्थी ९०% च्या पुढे राहून रेनबो स्कूलचा निकाल अहमदनगर जिल्ह्यात सर्वोत्कृष्ठ ठरला होता. आजचा हा अद्वितीय निकाल रेनबो इंटरनेशनल स्कूलच्या विद्यार्थ्यांच्या व शिक्षकांच्या उत्कृष्ट परिश्रमाचा प्रतिफळ आहे. या निकालाबाबत संस्थेचे अध्यक्ष कांतिल अग्रवाल, सचिव संजय नागरे, विश्वस्त मनोज अग्रवाल, आनंद दगडे, चांगदेव कातकडे, अर्जुन काळे, कार्यकारी संचालक व प्राचार्य आकाश नागरे, शैक्षणिक संचालक नानासाहेब दवंगे, उपप्राचार्य निलेश औताडे आदी सर्व शिक्षक शिक्षकेत्तर कर्मचाऱ्यांनी यशस्वी विद्यार्थ्यांचे कौतुक करुन अभिनंदन केले.
