मंजुर हंडेवाडी सोसायटीच्या अध्यक्षपदी भास्करराव तिरसे तर उपाध्यक्षपदी राधाकृष्ण गवळी

Om Sai 24 News 13/09/2024

0 1,262 1 minute read

मंजुर हंडेवाडी सोसायटीच्या अध्यक्षपदी भास्करराव तिरसे तर उपाध्यक्षपदी राधाकृष्ण गवळी

कोपरगांव विजय कापसे दि १३ सप्टेंबर २०२४- तालुक्यातील राजकीयदृष्टया महत्वाच्या समजल्या जाणा-या मंजुर हंडेवाडी सहकारी सोसायटीच्या अध्यक्षपदी भास्करराव तिरसे तर उपाध्यक्षपदी राधाकृष्ण गवळी यांची नुकतीच बिनविरोध निवड झाली. निवडणुक निर्णय अधिकारी म्हणून तालुका सहायक निबंधक एन जी. ठोंबळ होते.

भास्करराव तिरसे यांच्या नावाची सुचना शिवाजीराव घुमरे यांनी तर रामनाथ भोसले यांनी अनुमोदन दिले. तर राधाकृष्ण गवळी यांच्या नावाची सुचना संभाजीराव गावंड यांनी तर किसनराव भोसले यांनी अनुमोदन दिले. याप्रसंगी संचालक सर्वश्री एकनाथ गायखे, माधवराव गोसावी, साहेबराव तिरसे, चंद्रकांत पगारे, यशोदाबाई घुमरे, शितल पायमोडे, आबासाहेब गावंड, भारत कापसे आदि उपस्थित होते. नवनिर्वाचित अध्यक्ष व उपाध्यक्षांचा यावेळी सत्कार करण्यांत आला.

सत्कारास उत्तर देतांना श्री. भास्करराव तिरसे म्हणांले की, ग्रामिण अर्थकारणाला पाठबळ देण्यांसाठी माजीमंत्री स्व. शंकरराव कोल्हे यांनी सातत्याने काम केले तोच वसा घेवुन संजीवनी उद्योग समुहाचे अध्यक्ष बिपीनदादा कोल्हे, माजी आमदार स्नेहलता कोल्हे हे काम करत असुन त्यांच्या मार्गदर्शनांखाली सहकारमहर्षी शंकरराव कोल्हे सहकारी साखर कारखान्याचे अध्यक्ष युवानेते विवेक भैय्या कोल्हे कार्यरत आहेत. मंजुर हंडेवाडी सहकारी सोसायटी सभासदांच्या उत्कर्षासाठी जिल्हा बँकेचे संचालक विवेक भैय्या कोल्हे यांच्या माध्यमांतुन शासकीय निमशासकीय योजनांसाठी काम करू, सहकार टिकवण्यांसाठी सर्वांनी एकजुटींने काम करावे असे ते म्हणाले.

या निवडीबददल संजीवनी उद्योग समूहाचे अध्यक्ष बिपीनदादा कोल्हे, माजी आमदार स्नेहलता कोल्हे, सहकार महर्षी शंकरराव कोल्हे सहकारी साखर कारखान्याचे अध्यक्ष युवानेते विवेकभैय्या कोल्हे यांनी अभिनंदन करत भावी वाटचालीस शुभेच्छा दिल्या आहे तर सदर कार्यक्रमाचे सुत्रसंचलन सचिव आण्णासाहेब निकम यांनी तर शिवाजीराव घुमरे यांनी उपस्थित मान्यवरांचे आभार मानले.