डॉ. बाबासाहेब आंबेडकर यांच्या ६९ व्या “महापरिनिर्वाण “दिनानिमित्त १०० नारळ झाडांचे वाटप
कोपरगाव विजय कापसे दि ६ डिसेंबर २०२५– कोपरगाव तालुक्यातील डाऊच बु.येथे शनिवार दि ६ डिसेंबर रोजी ग्रामपंचायत कार्यालय परिसर, जिल्हा परिषद शाळेच्या प्रांगणात लोकसहभाग व १५% मागासवर्गीय निधीतून-१०० नारळाच्या झाडांचे वाटप करून वृक्षलागवड करण्यांत आली तसेच १५ वा वित्त आयोग निधी (बंधित) सन २०२४/२५ अंतर्गत प्रत्येक कुटुंबाला दोन-दोन डस्टबिन वाटप करण्यांत आले. एक डस्टबिन ओला कचऱ्यासाठी आणि एक डस्टबिन सुका कचऱ्यासाठी वापर करावा, असे आवाहन लोकनियुक्त सरपंच दिनेश रघुनाथ गायकवाड यांनी सर्व ग्रामस्थांना केले.
कोपरगाव ग्रामिण पोलिस निरीक्षक संदीप कोळी यांच्या प्रमुख उपस्थितीत झालेल्या या कार्यक्रमाचे अध्यक्ष-गांवचे वावरकरी वैभव, ह.भ.प. मनसुख महाराज देहे पाटील यांच्या उपस्थितीत स्वच्छ, सुंदर, हरित व प्लास्टिक कचरा मुक्त गांव-डाऊच बुः अशी नवी ओळख गावाने निर्माण केली आहेत. महामानव डॉ. बाबासाहेब आंबेडकर यांचे ६९ व्या महापरिनिर्वाण दिनी प्रतिमेचे पूजन करून पुष्पहार घालत अभिवादन करण्यात आले.
