पारनेर तालुक्यातील सहकारी पतसंस्थांचे ५००  प्रतिनिधी उपस्थित राहणार – कार्याध्यक्ष वसंत कवाद

कोपरगाव विजय कापसे दि १५ जानेवारी २०२५ : शिर्डी येथे होणाऱ्या आंतरराष्ट्रीय सहकार परिषदेत अनेक देशांचे प्रतिनिधी सहभागी होणार आहेत. परदेशातील सहकारी पतसंस्था चळवळ भारतातील सहकारी पतसंस्थांच्या प्रतिनिधींना यामुळे माहिती होणार असून भारत देशातील सहकारी पतसंस्थांच्या एकजुटीचे दर्शन ही परदेशातील येणाऱ्या सहकारी पतसंस्थांच्या प्रतिनिधींना होणार आहे. त्यामुळे पारनेर तालुक्यातील सहकारी पतसंस्थांचे ५०० प्रतिनिधी या आंतरराष्ट्रीय सहकार परिषदेला हजर राहतील.असे प्रतिपादन नाशिक विभागीय सहकारी पतसंस्था फेडरेशन कार्याध्यक्ष व निघोज ग्रामीण बिगर शेती सहकारी पतसंस्थेचे चेअरमन वसंत कवाद यांनी केले.