राज्य पत्रकार संघाच्या वतीने रांगोळी स्पर्धेतील गुणवंत विद्यार्थ्यांचा गौरव
राज्य पत्रकार संघाचा अनोखा उपक्रम
कोपरगाव विजय कापसे दि २४ जानेवारी २०२५– महाराष्ट्र राज्य पत्रकार संघाच्या वतीने कोपरगाव शहरातील रयत शिक्षण संस्थेच्या पद्मा मेहता प्राथमिक कन्या शाळेत विद्यार्थ्यांच्या कला गुणांना वाव मिळावा या उद्देशाने कोपरगाव तालुकाध्यक्ष जनार्दन जगताप यांच्या संकल्पनेतून आयोजित केलेल्या रांगोळी स्पर्धेतील गुणवंत विद्यार्थ्यांचा सन्मान प्रशस्तीपत्र व सन्मानचिन्ह देऊन करण्यात आला.
शाळेचे मुख्याध्यापक सुभाष दरेकर यांच्या अध्यक्षतेखाली झालेल्या कार्यक्रम प्रसंगी तालुका अध्यक्ष जनार्दन जगताप, शहराध्यक्ष हाफिज शेख, सचिव प्रा विजय कापसे, उप शहराध्यक्ष स्वप्निल कोपरे, कार्याध्यक्ष बिपिन गायकवाड, विनोद जवरे, राजेंद्र तासकर, अक्षय काळे, गोविंद वाकचौरे, अमोल गायकवाड आदी सह संघटनेचे सर्व सदस्य पदाधिकारी उपस्थित होते.
सदरची रांगोळी स्पर्धा ही लहान गट व मोठा गट अशा दोन गटांमध्ये घेण्यात आली या स्पर्धेमध्ये ३० विद्यार्थिनींनी सहभाग घेऊन विविध प्रकारे रंग भरून अत्यंत सुबक पद्धतीने रांगोळ्या साकारल्या होत्या. सदर रांगोळ्याचे परीक्षण शाळेच्या शिक्षिका रंजना गवळी, मनीषा खळदकर, संगीता दरेकर, उज्वला वदक, मीना निर्मळ, सुनीता क्षीरसागर, वंदना खर्डे, मंगला आव्हाड, ज्योती आरोटे, शुभांगी शेळके यांनी सर्व रांगोळीचे परीक्षण करून यामध्ये उत्कृष्ट कलाकृती व सुबक रांगोळी साकारणाऱ्या मुलींची यादी निश्चित करून त्यानंतर सर्व पत्रकारांच्या उपस्थितीत परीक्षण करून प्रथम ,द्वितीय व तृतीय क्रमांक काढून स्पर्धेचा निकाल जाहीर करण्यात आला. यामध्ये लहान गट व मोठा गटाचा निकाल उपस्थित पत्रकारांच्या उपस्थितीत काढण्यात आला.
याप्रसंगी महाराष्ट्र राज्य पत्रकार संघाचे तालुका सचिव प्रा.विजय कापसे, शहर कार्याध्यक्ष बिपीन गायकवाड, विनोद जवरे यांनी उपस्थित विद्यार्थ्यांना मार्गदर्शन केले. सदर कार्यक्रमाचे प्रास्ताविक शाळेच्या शिक्षिका शुभांगी शेळके यांनी केले तर आभार शाळेचे मुख्याध्यापक सुभाष दरेकर यांनी मानले. यावेळी शाळेचे सर्व शिक्षक शिक्षिका व कर्मचारी वृंद तसेच विद्यार्थी व विद्यार्थिनी यावेळी मोठ्या संख्येने उपस्थित होते. अत्यंत आनंददायी वातावरणामध्ये हा कार्यक्रम संपन्न झाला.
