नगरपालिकेच्या वतीने महिला बचतगट दिवाळी साहित्य विक्री केंद्राचा शुभारंभ
कोपरगाव विजय कापसे दि १६ ऑक्टोबर २०२५– महिलां बचतगटांनी दिवाळीत लागणारे घरगुती स्वनिर्मित साहीत्य विक्री करण्यासाठी आवश्यक ती बाजारपेठ मिळावी या उद्देशाने कोपरगाव नगरपरिषद मार्फत दीनदयाळ अंत्योदय योजना-राष्ट्रीय नागरी उपजीविका अभियानांतर्गत कोपरगाव शहरात या बचतगटातील माहिलांना शहराच्या मध्यवर्ती ठिकाणी नगरपालिकेच्या वतीने उपलब्ध करून दिलेल्या विक्री स्टॉलचा शुभारंभ बुधवार दि १५ रोजी नगरपालिकेचे मुख्याधिकारी तथा प्रशासक सुहास जगताप यांच्या हस्ते झाला.
या उद्देशाने कोपरगाव शहरातील मध्यवर्ती ठिकाण असलेले डॉ.बाबासाहेब आंबेडकर मैदान याठिकाणी तीन विक्री केंद्र कोपरगाव नगरपरिषद मार्फत उभारून दिले आहे. या विक्री केंद्रावर दिवाळी फराळ, मातीच्या लक्ष्मी मूर्ती,पणत्या,पूजेचे साहित्य, आकाश कंदील,लक्ष्मी पादुका,तोरण यासारख्या वस्तू विक्रीसाठी ठेवल्या आहे तरी जास्तीत नागरिकांनी या महिला बचतगटांनी स्वनिर्मित तयार केलेल्या साहित्याची खरेदी करत महिला सबलीकरणासाठी आपला हातभार लावावा असे आवाहन मुख्याधिकारी जगताप यांनी केले आहे.
