प्लॉट व्यवहाराच्या वादातून डाऊच खुर्द येथील तरुणाचा खून
प्लॉट व्यवहाराच्या वादातून डाऊच खुर्द येथील तरुणाचा खून
जाहिरात
कोपरगाव विजय कापसे दि ११ डिसेंबर २०२५–कोपरगाव तालुक्यातील डाऊच खुर्द परिसरात प्लॉटच्या व्यवहारातून उसने पैसे मागण्याच्या कारणावरून झालेल्या वादातून एका तरुणाचा खून झाल्याची धक्कादायक घटना बुधवार दिनांक १० डिसेंबर २०२५ रोजी रात्री ८.१५ च्या दरम्यान घडल्याने परिसरात खळबळ उडाली आहे.
जाहिरात
यातील मयताचे नाव अस्लम शहाबुद्दीन सय्यद (वय ३५) असे आहे. फिर्यादी रफीक शहाबुद्दीन सय्यद (वय ४०) यांनी दिलेल्या माहितीनुसार, आरोपी मुनीर उर्फ मुन्ना अजीज शेख, परवीन मुनीर शेख, फिरोज मुनीर शेख आणि साहील मुनीर शेख यांनी त्यांच्याशी पैशांच्या कारणावरून वाद घालत मयत अस्लम यास गंभीर मारहाण केली.जाहिरात
मारहाणीत चाकू व लाकडी दांडक्याचा वापर झाल्याचे सांगितले जाते. या हल्ल्यात अस्लम गंभीर जखमी झाला असून त्याला तातडीने शिर्डी येथील साईबाबा हॉस्पिटलमध्ये हलविण्यात आले; परंतु डॉक्टरांनी त्याला मृत घोषित केले.
घटनेनंतर कोपरगाव शहर पोलिसांनी तातडीने कारवाई करत चौघा आरोपींना ताब्यात घेतले आहे. या प्रकरणी भारतीय न्याय संहितेनुसार विविध कलमान्वये गुन्हा नोंदवण्यात आला आहे. तर पुढील तपास कोपरगाव शहर पोलीस निरीक्षक रामकृष्ण कुंभार यांच्या मार्गदर्शनाखाली सुरू आहे.
