सहकारमहर्षी टी20 क्रिकेट स्पर्धेचा धमाकेदार शुभारंभ तर चषकाचा राज्यात लौकिक  – मा.आ.डॉ.सुधीर तांबे

यावेळी बोलताना माजी आमदार डॉ.तांबे म्हणाले की, क्रिकेट, राजकारण, आणि सिनेमा हे भारतीयांचे आवडते विषय आहे. क्रिकेट बरोबर इतर खेळांनाही प्रोत्साहन मिळाले पाहिजे याकरता क्रीडा संघटनांनी प्रयत्न करावे. संगमनेर मधील चांगले आयोजनामुळे या स्पर्धेचा राज्यभरात मोठा लौकिक झाला असून देशभरातील खेळाडू या स्पर्धेत खेळत आहेत. पुढील 17 दिवस संगमनेर मधील क्रीडा रसिकांना ही मोठी मेजवानी असल्याचे ते म्हणाले.

माजी नगराध्यक्ष सौ.दुर्गाताई तांबे म्हणाल्या की, सहकारमहर्षी भाऊसाहेब थोरात यांनी संगमनेर सहकारी शेतकी संघाची जागा या मैदानासाठी दिली. लोकनेते बाळासाहेब थोरात यांच्या नेतृत्वात अद्यावत क्रीडा संकुल येथे उभे राहिले असून यामुळे युवकांना खेळण्यासाठी मोठी संधी मिळाली असल्याचे त्या म्हणाल्या.

तर ज्ञानेश्वर खुरंगे म्हणाले की, आमदार सत्यजित तांबे यांच्या चांगल्या योजनामुळे ही स्पर्धा लोकप्रिय ठरली असून इतर खेळांच्या स्पर्धाही या मैदानावर ही क्रीडा मैदानावर राबवण्यात येतील असे ते म्हणाले.

पहिला सामना मेरी क्रिकेट क्लब नाशिक व सह्याद्री संगमनेर यांच्यामध्ये झाला यावेळी क्रीडा रसिक मोठ्या संख्येने उपस्थित होते.