सहकारमहर्षी भाऊसाहेब थोरात माध्यमिक विद्याभवन अमृतनगर शाळेने इयत्ता दहावीची शंभर टक्के निकालाची परंपरा कायम ठेवली
संगमनेर प्रतिनिधी दि ३० मे २०२४– संगमनेर तालुक्यातील सहकारमहर्षी भाऊसाहेब थोरात सह.साखर कारखान्याचे अमृत सांस्कृतिक मंडळ संचालित सहकारमहर्षी भाऊसाहेब थोरात माध्यमिक विद्याभवन अमृतनगर या विद्यालयाचा एस.एस.सी परीक्षा मार्च 2024 चा निकाल शंभर टक्के लागला आहे. या विद्यालयाने सातत्याने शंभर टक्के निकालाची परंपरा कायम राखली आहे.
माध्यमिक विद्याभवन विद्यालयाचा मार्च 2024 च्या माध्यमिक शालांत प्रमाणपत्र परीक्षेचा निकाल शंभर टक्के लागला असून प्रथम क्रमांक चि.चकोर आदित्य सुधीर 90% , द्वितीय क्रमांक कु.सोनवणे ईश्वरी राजू 87.40% , तृतीय क्रमांक कु.धिदळे शितल भागा 83.80%, चौथा क्रमांक चि. बाबळे ऋषिकेश शिवराम 83.60%, पाचवा क्रमांक चि.गुंजाळ आविष्कार राधाकिसन 83% या सर्व विद्यार्थ्यांचे मा.शिक्षणमंत्री आमदार बाळासाहेब थोरात,आमदार सत्यजित तांबे,मा.आ.डॉ.सुधीर तांबे,सौ.दुर्गाताई तांबे,कारखान्याचे चेअरमन बाबा ओहोळ,व्हा. चेअरमन संतोष हासे, कार्यकारी संचालक जगन्नाथ घुगरकर,अमृत सांस्कृतिक मंडळाचे कार्याध्यक्ष रामदास तांबडे,सेक्रेटरी संदीप दिघे,खजिनदार अशोक कवडे व सर्व संचालक मंडळ तसेच शाळेच्या मुख्याध्यापिका संगीता म्हस्के,प्राथमिक विद्याभवनच्या मुख्याध्यापिका अर्चना आंबरे, व शिक्षक वृंद आदींनी अभिनंदन केले.
या सर्व गुणी विद्यार्थ्यांना मुख्याध्यापिका संगीता म्हस्के यांच्या मार्गदर्शनाखाली विद्यालयातील शिक्षक राजू बड,उत्तम गवांदे,तांबोळी सर,इंद्रभान शिंदे,दीपक आदमाने या सर्वांचे मार्गदर्शन लाभले आहे.
