अमृतवाहिनी इंजिनिअरिंग मधील आयटी विभागातील ४० विद्यार्थ्यांची थेट नोकरीसाठी निवड
अमृतवाहिनी इंजिनिअरिंग मधील आयटी विभागातील ४० विद्यार्थ्यांची थेट नोकरीसाठी निवड
संगमनेर प्रतिनिधी दि २७ जुन २०२४– सावित्रीबाई फुले पुणे विद्यापीठाचे उत्कृष्ट मानांकनासह देशातील ग्रामीण भागातील उत्कृष्ट महाविद्यालय ठरलेल्या व नेक चा ए प्लस दर्जा असलेल्या अमृतवाहिनी इंजीनियरिंग कॉलेजमधील आयटी विभागातील ४० विद्यार्थ्यांची साडेआठ लाखाच्या पॅकेजवर नोकरीसाठी थेट निवड झाली असल्याची माहिती प्राचार्य डॉ. एम ए व्यंकटेश यांनी दिली आहे.
आंतरराष्ट्रीय अभियांत्रिकी क्षेत्रातील दर्जा ओळखून अमृतवाहिनी व्यवस्थापनाने विविध सामंजस्य करार केले आहे. या अंतर्गत विविध बहुराष्ट्रीय कंपन्यांच्या मार्गदर्शनाखाली अभियांत्रिकी प्रकल्प स्पर्धा, तंत्रज्ञानाची सुसंगत तज्ञांची मार्गदर्शन, विद्यार्थी आणि शिक्षकांच्या आयटी कंपन्यांना भेटी ,राष्ट्रीय आणि आंतरराष्ट्रीय माजी विद्यार्थ्यांचा संवाद यातून विद्यार्थ्यांना मोलाचे मार्गदर्शन मिळत आहे .याचबरोबर मेरीटोरियस स्कॉलरशिप, जपान व जर्मन भाषांचे प्रशिक्षणही दिले जात आहे. या विद्यार्थ्यांच्या थेट नोकरीसाठी प्लेसमेंट विभागाचे प्रा. प्रवीण वाकचौरे, आयटी समन्वयक संदेश देशमुख व विभाग प्रमुख डॉ. बायसा गुंजाळ यांनी विशेष प्रयत्न केले आहे.
या सर्व यशस्वी विद्यार्थ्यांचे माजी शिक्षण मंत्री आमदार बाळासाहेब थोरात ,मा आमदार डॉ सुधीर तांबे,विश्वस्त शरयू ताई देशमुख, मुख्य कार्यकारी अधिकारी अनिल शिंदे डॉ. जे बी गुरव ,प्राचार्य डॉ. एम ए व्यंकटेश, रजिस्टर प्रा विजय वाघे ,आयटी विभाग प्रमुख डॉ.बायसा गुंजाळ यांनी अभिनंदन केले आहे.
