डॉ.अण्णाभाऊ साठे यांचे घर राष्ट्रीय स्मारक घोषित करा – बिपीनदादा कोल्हे

कोपरगाव विजय कापसे दि १ ऑगस्ट २०२४–लोकशाहीर साहित्यरत्न डॉ.अण्णाभाऊ साठे यांचे जयंतीनिमित्त संजीवनी उद्योग समूहाचे अध्यक्ष बिपीनदादा कोल्हे यांनी कोपरगाव येथील स्मारकस्थळी उपस्थित राहून अभिवादन केले. या प्रसंगी बोलताना कोल्हे म्हणाले अण्णाभाऊ साठे यांचा पहिला अर्धाकृती पुतळा माजी मंत्री स्व.शंकरराव कोल्हे यांनी पुढाकार घेऊन कोपरगाव येथे स्थापन केला.छायाचित्र उपलब्ध नव्हते त्यासाठी अण्णाभाऊंच्या कुटुंबियांकडून प्राप्त केले व त्यानंतर पुतळा तयार करून घेतला.त्यानंतर पूर्णाकृती पुतळा होण्यासाठी कोल्हे गटाने पुढाकार घेऊन कार्यवाही केली हे सर्वांना ठाऊक आहे.देशाचा अभिमान असणारे लोकशाहीर अण्णाभाऊ साठे यांनी आपली प्रतिभा त्या काळात परदेशात देखील सिद्ध केली होती.साहित्याला आकार देणारे व्यक्तिमत्व म्हणून त्यांचा अभिमान सर्वांना आहे.स्वातंत्र्याची आणि सभिनानाची भावना आपल्या शाहिरीतून प्रत्येक मनावर त्यांनी बिंबवली.