धोत्रे ग्रामपंचायतीचा ध्वजारोहण गुणवंत विद्यार्थिनी श्रावणीच्या हस्ते संपन्न

या प्रसंगी धोत्रे गावचे सरपंच, उपसरपंच, ग्रामपंचायतीचे सर्व आजी माजी सदस्य, ग्रामसेवक अविनाश पगारे, पोलीस पाटील, ग्रामपंचायत कर्मचारी, आशा व आरोग्य सेविका, श्री वीरभद्र विद्यालय धोत्रे, जिल्हा परिषद प्राथमिक शाळा धोत्रे तसेच अंजनी इंग्लिश मीडियम स्कूलचे सर्व शिक्षक-शिक्षकेत्तर कर्मचारी विद्यार्थी तसेच शालेय व्यवस्थापन समितीचे अध्यक्ष, उपाध्यक्ष, सदस्य, कामगार तलाठी वाघ आदीसह गावातील शिक्षण प्रेमी ग्रामस्थ मोठ्या संख्येने उपस्थित होते.

या प्रसंगी धोत्रे गावची गुणवंत विद्यार्थिनी श्रावणी व तिच्या आई-वडिलांचा ग्रामपंचायतीच्या वतीने शाल, श्रीफळ देऊन सत्कार करण्यात आला. तर याविषयी सरपंच चव्हाण यांनी अधिक बोलताना सांगितले की, श्रावणीने इयत्ता दहावीच्या परीक्षेत उच्चांकी गुण मिळवत संपूर्ण तालुक्यात गावचे नाव उज्वल करत परीक्षेत प्रथम क्रमांक मिळवला आहे. त्यामुळे येणाऱ्या प्रत्येक राष्ट्रीय उत्सवाचा ग्रामपंचायतीचा ध्वजारोहण गावातील गुणवंत विद्यार्थ्यांच्या शुभहस्ते करण्याचे ठरले असून याची सुरुवात आजपासून गावातील गुणवंत श्रावणी शिंदे या विद्यार्थीनीच्या शुभहस्ते ध्वजारोहण करत संपन्न झाला असल्याची माहिती सरपंच चव्हाण यांनी देत सर्वांना स्वातंत्र्य दिनाच्या शुभेच्छा व्यक्त केल्या.