पिंपळगाव माथा येथील घर जळीत झालेल्या पांडे कुटुंबीयांना यशोधन कार्यालयाकडून मदत

भारत रमाजी पांडे यांच्या घराला लागलेल्या बागेतून घराचे पूर्ण नुकसान झाले याचबरोबर घरातील सर्व साहित्य जळून खाक झाले. यावेळी घरामध्ये त्यांच्या पत्नी दोन मुले हे होते. प्रसंगावधान राखून सर्व घराबाहेर पडल्याने मोठा अनर्थ टाळला. पांडे यांचा एक मुलगा दिव्यांग असून त्यालाही सुरक्षितपणे बाहेर काढण्यात आले. पांडे कुटुंबियांनी काही दिवसापूर्वी पेमगिरी येथील जिजाऊ महिला बिगर शेती पतसंस्थेकडून जमीन विकसित करण्यासाठी अडीच लाख रुपयांचे कर्ज घेतले होते ते पैसेही यामध्ये जळून खाक झाले आहे याचबरोबर दागिन्यांसह मंगळसूत्रही जळाले आहे.

अचानक लागलेल्या आगे मुळे या कुटुंबीयांवर मोठे संकट ओढावले आहे . या घटनेबाबत उपसरपंच व जिल्हा परिषद सदस्य अजय फटांगरे यांनी लोकनेते बाळासाहेब थोरात यांना याबाबत माहिती दिली. यानंतर लोकनेते बाळासाहेब थोरात यांनी तातडीने या कुटुंबीयांना मदत करण्यासाठी आपल्या यशोधन कार्यालयाच्या वतीने गृह उपयोगी साहित्य व किराणा साहित्य पाठवले.

यावेळी बोलताना बाबा खरात म्हणाले की, तालुक्यातील गोरगरीब जनतेवर जेव्हा संकट येते तेव्हा कुटुंबप्रमुख म्हणून लोकनेते बाळासाहेब थोरात हे  कायम पाठीशी उभे राहिले आहे. हा तालुका त्यांनी परिवार मानला असून प्रत्येकाच्या सुखदुःखाचे सहभागी होत असतात. पांडे कुटुंबावर आलेला हा प्रसंग अत्यंत दुर्दैवी असून शासकीय योजनांच्या माध्यमातून यशोधन कार्यालय व डॉ.जयश्रीताई थोरात यांच्या पाठपुराव्यातून विविध योजनांचा लाभ मिळवून देण्यासाठी आपण प्रयत्न करू असे ते म्हणाले. यावेळी पिंपळगाव माथा येथील ग्रामस्थ, भारत रमाजी पांडे व त्यांच्या कुटुंबीयांनी लोकनेते बाळासाहेब थोरात व यशोधन कार्यालया प्रती कृतज्ञता व्यक्त केली आहे.