दूध व्यवसायामुळे मार्केटमध्ये पत तयार होते- महंत रमेशगिरी महाराज

कोपरगाव विजय कापसे दि १५ जुलै २०२५– पोहेगांवची बाजारपेठ मोठी आहे. परिसरात शेतकरी वर्ग जास्त असल्याने शेती पूरक व्यवसाय म्हणून दूध व्यवसायाकडे शेतकरी वळाले आहे.दूध उत्पादक शेतकऱ्यांच्या हितासाठी एक पाऊल पुढे येऊन श्री चांगदेवराव गणपतराव औताडे पा. विविध कार्यकारी सेवा सोसायटी संचालित वसुबारस ऍग्रो प्रोसेसिंग प्रोडूसर कंपनी च्या माध्यमातून दूध संकलन केंद्राची सुरुवात झाली आहे. दुधाला योग्य भाव व खाद्याच्या दरात देखील पारदर्शक व्यवहार होणार आहे.निश्चितच पोहेगाव परिसरासाठी ही अभिमानाची आहे. दूध व्यवसायामुळे मार्केटमध्ये पत निर्माण होते असे प्रतिपादन जनार्दन स्वामी आश्रमाचे महंत रमेशगिरी महाराज यांनी  पोहेगाव येथे वसुबारस दूध संकलन केंद्राचा शुभारंभ मार्गदर्शक शिवसेना जिल्हाप्रमुख नितीनराव औताडे यांच्या प्रमुख उपस्थितीत झाला या प्रसंगी बोलताना व्यक्त केले.