यशोधन सर्वसामान्यांसाठी ठरले मदतीचे केंद्र;   ज्येष्ठ नागरिक व महिलांच्या योजनांसाठी मोठी मदत

माजी मंत्री बाळासाहेब थोरात यांचे यशोधन जनसंपर्क कार्यालय हे तालुक्यातील व जिल्ह्यातील जनतेचे खऱ्या अर्थाने मदत केंद्र ठरले आहे. राजकारण विरहित सर्व नागरिकांना मदत व शासनाच्या विविध योजनांचा लाभ मिळवून देण्यासाठी या ऑफिसच्या माध्यमातून काम केले जाते.

तसेच शासकीय योजनांचा व वैयक्तिक लाभांच्या योजनांसाठीही नागरिकांना विना त्रास मदत मिळून दिली जाते. या कार्यालयात विविध विभागांसाठी स्वतंत्र कक्ष असून या कार्यालयाच्या अनुकरणातून राज्यभरात अनेक ठिकाणी जनसंपर्क कार्यालय उभी राहिली आहे.

यशोधन हा मदतीचा ब्रँड झाला असून राज्यभरात सुरू असलेल्या एसटी पासची सुविधा जेष्ठ नागरिक व महिलांना मिळून देण्याकरता स्वतंत्र कक्ष कार्यरत असून सर्व नागरिक या ठिकाणी या योजनेचा लाभ घेत आहे.

आलेल्या प्रत्येक नागरिकाचे आदरतिथ्य, चहापाणी, बसण्याची व्यवस्था याचबरोबर त्यांच्या ज्येष्ठत्वाचा सन्मान राखून त्यांना तात्काळ सुविधा उपलब्ध करून दिली जाते. त्यांच्या वैयक्तिक प्रश्नांच्या सोडवणुकीसाठी पाठपुरावा केला जातो. यामुळे नागरिक व महिलांची यशोधन कार्यालयात मोठी गर्दी कायम असते.

युवकांच्या विविध प्रश्नांसाठीही सातत्याने काम सुरू असून करिअर मार्गदर्शन सह ग्रंथालय क्रीडा व विविध उपक्रमांच्या माध्यमातून तरुणांना व्यासपीठ उपलब्ध करून दिले जात आहे.या सुविधेबद्दल तालुक्यातील महिला व ज्येष्ठ नागरिकांनी काँग्रेस पक्षाचे नेते बाळासाहेब थोरात इंद्रजीत भाऊ थोरात व युवा काँग्रेसचे अध्यक्ष डॉ.जयश्री थोरात यांच्या प्रति धन्यवाद व्यक्त केले आहे.