एस जी शाळेचे मुख्याध्यापक मकरंद कोऱ्हाळकर प्रदीर्घ सेवेनंतर सेवानिवृत्त

महाराष्ट्र राज्य क्रीडा व शारीरिक शिक्षण शिक्षक महासंघाचे जिल्हा सरचिटणीस व श्रीमान गोकुळचंदजी विद्यालयाचे मुख्याध्यापक मकरंद कोऱ्हाळकर यांच्या सेवापुर्ती सोहळा  महाराष्ट्र राज्य क्रीडा व शारीरिक शिक्षण शिक्षक महासंघाचे अध्यक्ष शरदचंद्र धारूरकर यांच्या अध्यक्षतेखाली तसेच माजी नगराध्यक्ष संजय सातभाई ,उद्योजक  कैलास ठोळे ,मनोज अग्रवाल, प्रसाद नाईक, काळे कारखान्याचे संचालक दिनार कुदळे, माजी नगराध्यक्षा ऐश्वर्यालक्ष्मी सातभाई,माजी नगराध्यक्ष आर.डी.सोनवणे,विदयार्थी सहाय्यक समितीचे हीरालाल महानुभाव,जेष्ठ विधिज्ञ अॕड.जयंत जोशी,वनिता मंडळाच्या अध्यक्षा शैला लावर, .सुनिता कोऱ्हाळकर, कुमुदिनी कोऱ्हाळकर,क्रीडा शिक्षक राजेंद्र कोहकडे, आनंद ठोळे,मुख्याध्यापक रमेश गायकवाड,माजी उपनगराध्यक्ष दत्तात्रय ठोंबरे आदिच्या उपस्थित मोठ्या जल्लोषात संपन्न झाला.

या प्रसंगी उपस्थित असलेल्या शिक्षणाधिकारी शबाना शेख यांनी बोलताना सांगितले की, एक विश्वासू जबाबदार मुख्याध्यापक व सहायक परीरक्षक म्हणून मकरंद कोऱ्हाळकर यांचे काम कायम स्मरणात राहिल. तालुका गणित विज्ञान प्रदर्शनात त्यांनी झोकून देऊन प्रशासनाला सहकार्य करून काम करत असत त्यांच्या सेवानिवृत्ती मूळे एक पोकळी निर्माण होणार आहे. त्यांची सामाजिक बांधिलकी व सेवा न संपणारी असून  सतत काम करण्यच्या भावनेमुळे निवृत्तीनंतर ही ते कार्यरत  राहतील असा विश्वास शेख यांनी व्यक्त केला.