बस मध्ये चढताना महिलेची दीड तोळ्याची सोन्याची पोत चोरीला
बस मध्ये चढताना महिलेची दीड तोळ्याची सोन्याची पोत चोरीला
कोपरगाव विजय कापसे दि ५ नोव्हेंबर २०२४– कोपरगाव शहरातील बस स्टँड वर बस मध्ये चढत असताना ऐन दिवाळीच्या धामधुमीत एका महिलेच्या पर्समधील ४५ हजार रुपयाच्या दीड तोळ्याच्या सोन्याच्या पोती वर चोराने डल्ला मारल्याची घटना नुकतीच घडली आहे.जाहिरात
सविस्तर वृत्त असे की, सोमवार दिनांक ४ नोव्हेंबर रोजी दुपारी २ वाजून ३० मिनिटाच्या सुमारास स्वाती राहुल जानेफळकर राहणार संभाजीनगर कॉलनी, वैजापूर ही महिला बस मध्ये चढत असताना तिच्या पर्सची चैन उघडून पर्समध्ये ठेवलेली ४५ हजार रुपये किमतीची दीड तोळ्याची सोन्याची पोत कोणीतरी अज्ञाताने चोरून नेल्याची घटना घडली असून कोपरगाव शहर पोलीस स्टेशन मध्ये स्वाती जानेफळकर या महिलेच्या फिर्यादीवरून त्या अज्ञात चोरा विरुद्ध ५०२/२०२३ भारतीय न्याय संहिता ३०५ (ब) कलम प्रमाणे गुन्हा दाखल करण्यात आला असून पुढील तपास कोपरगाव शहर पोलीस स्टेशनचे पोलीस निरीक्षक भगवान मथुरे यांच्या मार्गदर्शनाखाली पोलीस हेडकॉन्स्टेबल दिलीप तिकोने हे करत आहे.जाहिरात
प्रवास करत असताना प्रत्येकाने आपल्या मौल्यवान वस्तू, सोने, चांदी दागिन्यांची तसेच मोबाईल फ़ोन ची काळजी घ्यावी आणि जरी काही अशी अघटित घटना घडली तर तात्काळ जवळच्या पोलिस स्टेशनमध्ये संपर्क साधावा.
