लोकनेते बाळासाहेब थोरात यांच्या पाठपुराव्यातून मालदाड ते चिंचोली रस्ता पूर्णत्वाकडे
लोकनेते बाळासाहेब थोरात यांच्या पाठपुराव्यातून मालदाड ते चिंचोली रस्ता पूर्णत्वाकडे
संगमनेर विजय कापसे दि ८ फेब्रुवारी २०२५– लोकनेते बाळासाहेब थोरात यांनी ग्रामीण विकासाचा ध्यास घेऊन गावोगावच्या विविध रस्ते डांबरीकरण व मजबुतीकरणासह प्रत्येक गावात विविध विकासाच्या योजना पूर्ण केले आहेत. यामुळे संगमनेर तालुका हा विकासाचे मॉडेल ठरला तालुक्यातील उत्तर भागासाठी महत्त्वाचा असणारा मालदाड ते सोनोशी चिंचोली गुरव हा १९ किलोमीटरचा रस्ता लोकनेते बाळासाहेब थोरात यांच्या पाठपुराव्यातून आता पूर्णत्वाकडे जात आहे.
त्यानंतर सप्टेंबर २०२३ मध्ये या रस्त्याच्या कामाला सुरुवात झाली. आता हा रस्ता पूर्णत्वाकडे येत आहे. चिंचोली गुरव आशा पीर बाबा रोड ते मालदाड मार्गे नाशिक – पुणे हायवे असा १९ किलोमीटर लांबीचा हा रस्ता आता पूर्णत्वास येत आहे. नान्नज दुमाला, सोनोशी, मालदाड या गावांमध्ये गावठाण परिसरामध्ये पूर्ण रस्त्याचे काँक्रिटीकरण करण्यात आले आहे. तसेच रस्त्यांच्या दुतर्फा मालदड घाटामध्ये साईड गटार बांधण्यात आली आहे. इतर सर्व ठिकाणी रस्त्यांचे मजबुतीकरण व डांबरीकरणाचे काम पूर्ण झाले आहे. आवश्यक ठिकाणी मोठमोठे पाईपही टाकण्यात आले आहे. त्यामुळे आता दळणवळणासाठी देवकवठे, चिंचोली गुरव,नान्नज दुमाला, सोनोशी, मालदाड ,पारेगाव बुद्रुक या गावांमधील नागरिकांना दळणवळणासाठी मोठी सोय झाली आहे.
लोकनेते बाळासाहेब थोरात यशोधन कार्यालयाच्या माध्यमातून सातत्याने पाठपुरावा करून हा उत्तरेकडील महत्त्वाचा रस्ता पूर्णत्वाकडे जात असल्याने मालदाड, सोनोशी, नान्नज, बिरेवाडी, काकडवाडी, पारेगाव,चिंचोली गुरव, देवकवठे या गावातील नागरिकांनी लोकनेते बाळासाहेब थोरात यांचे अभिनंदन केले आहे.
